Remna thuthlung ziah hmain Congress nen CM tur tifel sa
– Robert Romawia Royte
India sawrkar leh MNF-in inremna thuthlung an ziah hma in Congress leh MNF hian inremna siamin chief minister atan Laldenga ni turin ziakin an lo dah tawh tih MNF MLA Robert Romawia Royte chuan a sawi.
Zirtawpnia Mizo Hnam Run inkhawmah MNF Thalai president Robert Romawia Royte chuan, 1986 June 30-a remna thuthlung ziah hma June 25 khan Indian National Congress leh MNF chuan inremna an siam a. He inremnaah hian INC aiawhin vice president Arjun Singh chuan a hming ziahhnanin MNF aiawhin president Laldenga’n a hming a ziahhnan ve thung tih a sawi.
“Heta inremnaah hian state sawrkar thara chief minister ni turin Pu Laldenga ruat a ni a. Deputy chief minister turin Pu Lal Thanhawla a ni thung. MNF hnam sipaite zara Mizo hnam movement kha a hlu a, political party awmnain a zir loh vanga sawinep tumte hian anmahni mawng an hlim mai mai a ni,” a ti.
Mizo hnam movement avanga India danpui humhimna Article 371(G) a Mizote tana ziahluh a ni chu a hluin a ropui takzet tih sawiin, India ram state zingah Mizoram leh Nagaland chuan state dang neih loh Parliament rorel ‘veto’ theihna an nei bik a, chu chu MNF movement avanga inremna rahchhuah a ni tih a sawi.
Remna thuthlung ziah hmain Congress nen CM tur tifel sa – Robert Romawia Royte
