District Level Committee Serchhip chu an chairman, bawrhsap Paul L Khuma hoin Nilaini khan an thukhawm a, reserved forest chungchang an sawi.
Supreme Court thupek angin, Land Revenue & Settlement department chuan contour -based mapping of district area -wise Reserved Forest chu MIRSAC director hma la turin a hriattir a. District tin assistant commissioner (Revenue) chu an district huamchhung theuha ‘reserved forest’ a mimal ram nei list peihfel tura tih an ni.
Ram relocate ngai, landholding cancel tul leh harsatna awm apiang sawiho turin kumin March chawlhkar thumnaah SIT, GAD thutkhawm neih a ni anga, April chhungin Council of Minister pawmpuina lak tur niin, Supreme Court thupeka hmalakna affidavit /report file chu May chhunga tifel turin a ti.
Supreme court thupek angin forest reserve huamchhunga ram nei chu an enkawl dan azirin category siamfel a ngai a, a hmuna endik (field verification nei) vek tur niin, kumin April 15 hmaa inpeih tura beisei an ni. Forest department-in verification a lo buaipui anga, village council-te chu an huamchhung ami ngun taka lo enfel tura chah an ni bawk.
Thutkhawmah hian a kaihhnawih sawrkar hotute bakah Thenzawl West, Neihloh, Hualtu leh Hmuntha VC aiawh an tel a ni.
Reserved forest-a mimal ram nei awm leh awm loh enfiah dawn
