Reliance Foundation Young Champs leh Mi-zoram Football Associa-tion buatsaih ‘Naupang League’ an tih mai RFYC Inter District Champion-ship 2022-23 khelh zawh a ni a, Under 13-ah Cham-phai ‘B’ (BOR, Champhai District) an champion.
RFYC Naupang Lea-gue 2022-23 hi November ni 19, 2022 atang khan khelh tan a ni a, age category pali (U7, U9, U11&13) awmin, Ai-zawl leh Champhai dis-trict-ahte hian category tinah team 12 theuhin awmin, match 33 an khel a, Lunglei leh Kolasib district-ah hian category tinah team pariat theuh awmin, match-24 an khel.
District tina (U11-&13) league champion team leh league atanga player thlanchhuah (best of the rest) team-te hian June 13-17, 2023 chhung khan RG Stadium, Mualpuiah ‘RFYC Inter District Championship 2022-23’ an khel leh a, district pali atanga team pariatte hi group league (single leg)-in an inkhel chhuak leh a, a sang paliin semi-final khel lehin, final-ah hian Aizawl district U-13 ‘B’ (BOR) leh Champhai district U-13 ‘B’ (BOR) an inhmachhawn a, Champhai ‘B’ hian sikhat faia Aizawl ‘B’ hnehin an champion ta a ni.
Mimal lawmman dawngtute kan han chhawpchhuak a, hetih lai hian Aizawl, Cham-phai, Lunglei leh Kolasib district-te hian an ‘District League’ bika lawmman chi hrang hrang hi remchangah an semchhuak leh ang.
RFYC Naupang League champion Champhai ‘B’
