Rider-te tana airbag hak theih tlangzarh
Indo-French company te thawhhona, two-wheeler khalhtute himna tur ngaihtuahtute cuan NeoKavach Air Vest an siamchhuak a, India-ah an tlangzarh ta a, India-a airbag hak theih kan hmuh theih hmasak ber a ni. NeoKavach Air Vest hian rider-te an chetsual palh pawhin an taksa chunglam hliamna tur thui takin a veng thei dawn niin an sawi a, a bik takin awmbawr, hnungzang ruh leh nghawng te vengin, taksa chhunglam peng hrang hrang te pawh a veng thei dawn niin an sawi.
He airbag vest hi chetsual atanga second khat hmun 100 a thena hmun khat pawh tling mang loah ama tawkin a inham puar nghal anga, chu chu a hatu tan cushion anga thawkin, an insawhna lutuk tur a veng thei dawn a, awmbawr, hnungzang leh dar te pawh a veng tha hle dawn niin an sawi.
Two-wheeler khaltute hian car khaltute aiin insut palhah pawh dinhmun chhe zawka din theihna risk a let 40 chuangin an nei sang zawk niin an sawi a, heng ke hnih nei lirthei khalhtu ten chetsualnaa an thihpui tam ber chu awmbawr hliam, hnungzang leh hawng hliam te a ni a, NeoKavach Air Vest hian heng hi a rawn veng thei dawn a, chetsual palh pawha thih theihna risk a tihniam dawn niin an sawi.
NeoKavach hian tether-based mechanical trigger a hmang a, chu chu lirthei nen thlunzawmin, insut emaw, a tlan laklawh laia a khalhtu a seat atanga a thlawh chhuah (eject) thutin ama tawkin a in-activate nghal ang a, airbag chu ama tawkin a inhampuar nghal ang a, hei hi airbag hatu chu nasa takin a venghim thei dawn niin an tarlang a, battery a ngai lo a, charging emaw electronic sensor emaw pawh a mamawh chuang lo. Hei bakah hian hman nawn theih niin, a inhampuar hnuah pawh a cartridge thlakin reset leh mai theih a ni bawk.
NeoKavach Air Vest hi India-a siam niin, global certification standard nei a ni a, CE Level 2 certified a ni a, India-ah Rs 32,400 man a ni.
Rider-te tana airbag hak theih tlangzarh
