Rihanna-in A$AP thiam chan avangin Pathian hnenah lawmthu a sawi
A$AP Rocky (a hming tak Rakim Mayers) chu jury ten a thianpa A$AP Relli (a hming tak Terrell Ephron) silai hmehphuah case-ah thiam an chantir a, A$AP lawm lutuk chuan a kawppui Rihanna a kuah chûk chûk a, a hnu lawkah Rihanna pawhin Instagram-ah an thiamchan lawmthu sawiin, “Ropuina Pathian ta a ni, Pathian chauh ropui ber rawh se. Kan lawm e. A zahngaihna avangin kan lawm,” a ti.
Rihanna, kum 36, hi Rocky chungthu kar li chhung an rel tawpna niah court-ah Rocky support turin a awm ve a. He case hi November 2021 a thil thleng tawh kha niin, Rocky thianpa Relli hian Hollywood hotel bulah silai vawi hnih a hmetpuak a, he rapper, kum 36, mi hi April 2022 khan Los Angeles-ah man niin, silai hmanga mi vau thuah case pahnih awrhtir a ni a, thiam loh chantir a nih chuan kum 24 thleng jail tang tura hrem theih a ni.
Mahse, jury ten Rocky hi he case-ah thiam an chantir a, an thutlukna an puan velah Rocky lawm lutuk court chhunga indaidanna (railing) zuan khumin Rihanna nen an inpawm nghal chawt mai a ni. Rocky leh Rihanna te hian fa pahnih- RZA, kum 2, leh Riot, kum 1, te an nei tawh.
Rihanna-in A$AP thiam chan avangin Pathian hnenah lawmthu a sawi
