Intihcher tumte hian kan mut dan lampang hi kan ngaihthah fo thin a, a pawimawhna pawh kan hmuh kan fo thin. Kan zan mut dan a mumal loh hian kan rihna paih a chak thei loh a, taksa za, thil ei tam, insulin lam mumal lo thlengin a thlen thei. Chuvangin, rihna paih tumte tan zan mut that a pawimawh hle a ni.
Hemi atan hian zan mut dawna kan ei leh in in kawngro a su thui hle niin Times of India health section chuan an tarlang. Zan mut hnaih tawh lamah chuan thingpui emaw coffee emaw in loh tur a ni a, a chhan chu kan mut a tihbuai theih vang a ni. Chutih rualin mut ti tui zawk thei thil in chi a awm niin an sawi a, kan rawn tarlang e.
Bawnghnute: Zan mut dawnah bawnghnute no khat in thin hian mut a titui duh, a chhan chu bawnghnuteah tryptophan leh calcium a tam vang a ni. Zana kan mut that loh hian a tukah thil kan ei nasa duh niin an sawi a, chuvangin zan mut that hi intihcher tumte tan a pawimawh hle a ni. Hei bakah hian bawnghnuteah hian casein protein a tam a, chu chuan digestion a timuang a, chuvangin zana kan mut hlanin tihrawl a in lo insiam chak bik thin.
Grape juice: Zan mut dawna grape juice tlem in hian mut a titui duh a, thau a paih chak bawk. Cell Reports-a mithiamte zirchianna an tarlanah chuan zana insulin lo chhuakin kan taksa circadiam rhythm a titha thei. Hei bakah hian grape hi antioxidant kan hmuh theihna tha tak a ni a, white fat te pawh brown fat-ah a chantir thei.
Cinnamon tea: Cinnamon chu thakthing a ni mai a, taksa tana hriselna chi hrang hrang a ngah khawp mai a, intihcher tumte pawh a tna riau. Zan mut dawna cinnamon tra in hian detox agent angin a thawk a, chu chu taksa rihna pah nan a tangtai hle a, metabolism a tichak thei.
Chamomille tea: Chamomile tea hian taksa a glycine level a tipung thei. Glycine chu neurotransmitter niin, nerve ti hahdamtu tha tak a ni. Chamimolie hian core body temperature a tisang a, chu chuan kan system a vawng dai ve leh thung.
Fenugreet tui: Fenugreek hian taksa a tilum thei a, chu chu weight management atan a tangkai hle a, hei bakah hian digestive system a tichak a, chu chu rihna paih tumte tan a tangkai hle bawk. Mahse, fenugreek tui chu zan mut hma darkar chanve velah tal in tur a ni. Fenugreek mu chhu sawm la, tui no khatah pawlh la, minute 5 vel chiah la, chumi hnuah a tui chu thli chhuak leh la, in mai tur a ni.
Rihna paih tumte tana zan mut dawna thil in chi
