Role model MP candidate neih tum

Kumin Lok Sabha inthlanah PC party chuan candidate tha tak an nei dawn tih an vice president Lalthuamliana chuan a sawi.
Thawhtannia an office-a inkhawmah an party action plan sawifiah pahin Lalthuamliana chuan, kumin MP inthlanah candidate tha, MP thiltih theihte ti tak tak, hun kalzelah pawh MP kan neihten role model-a an hman tur candidate tha an nei dawn tih a sawi. Tunah chuan an party hian MP inthlan hi hnapuiah an nei dawn tih sawiin, “Phur taka vote thlak turin kan party mite lo inbuatsaih rawh u,” a ti.
Thutkhawmah hian an party Golden Jubilee lawm tura inbuatsaihna thlir hoin, office building sak lai leh hmalakna hrang hrang chak zawka kalpui dan tur an rel a ni.