Italian Serie A title race-a hmahruaitu ni mek Inter Milan chuan Pathianni khan 5-2 ngawta AS Roma hneh chungin an chungnunna an sawhnghet.
San Siro inkhelah hian inhliam avanga bawksawp reng Lautaro Martinez-a kirleh chuan goal hnih a rawn thawh zui leh nghal zaih a, Inter attack tihriamtu a ni zui leh nghal.
Marcus Thuram pawhin a khel tha a, goal khat a thun bakah Martinez-a goal pakhat zawk a siamsak.
Inter Milan ‘attacking masterclass’ dik tak hmuh tur awm lehin, he hnehna avang hian khelh 31-a point 72 neitu Inter hi table-ah point kuain an sang fal tawh a, anmahni hnaihbertu AC Milan chuan he thu buatsaih lai thleng hian match 30-ah point 63 an kawl ve mek bawk.
Nizan result tarlan hman lohah Milan hian Naples khawpuiah table-a pathumna luahtu Napoli an luhkhung a, an chak a nih chuan round sarih chauh awm tawhah Milan hian point ruk bawkin Inter hi an thlau leh ang.
Parukna luahtu Roma kutah point 54 a lut ve tawh bawk.
Roma veltu Inter Milan an fal zel
