Italian court chuan tunhnai khan Juventus hnenah an striker hlui Cristiano Ronaldo hlawh an batsak pound maktaduai 8.3 zet chu pe tlingtla turin an hriattir.
Ronaldo hian Real Madrid chhuahsanin Juve-ah hian season thum a khel hman a, Covid hripuiin 2020-21 season a tihbuai avang khan club hrang hrang sum lakluh akiam a, Juventus pawhin an player hlawh sang tak takte chu a hun takah contract-a an ziah angin hlawh an pe thei lo a, player-te pawhin an hrethiam a, Ronaldo ngei pawh hian a hlawh tur chu muangmar deuh zawka an pek hun a nghah theih thu club a hrilh a, mahse, tun thlenga an la pek loh avangin court lamah a kal a, Italian court chuan hlawh ba la awm hi pe turin an \hinsak ta a ni.
Kum 39 mi Ronaldo chuan Turin club-in a hlawh tur an batsak hi pound maktaduai 17 chuang niin a sawi.
Portuguese hlawh hrensak chungchangah Court of Arbitration pawh inrawlhin, Serie A club chuan chhiah leh paih\hen (deduction) neuh neuh tur thliarfelin Ronaldo hlawh chu an pe tur a ni tiin thuchhuah a siam ve tawh bawk.
Tarlan tawh angin, Ronaldo hian kum 2018 a\anga 2021 chhung khan Juventus thuam inbel chungin Italy ramah season thum a khawsa a, Turin club chu Serie A title pahnih a lakpui hman nghe nghe.
Juventus a\ang chuan a club hlui Manchester United-ah a kirleh a, mahse, thla 16 lek hnuah Old Trafford chhuahsanin Saudi club Al-Nassr a zawm zui ta a ni.
Ballon d’Or chawimawina vawinga ngawt dawn gtawh Ronaldo hi nikum khan American business magazine Forbes chuan khawvela infiammi hlawh hnem berah a puang a, khami kuma a sum lakluh kha pound maktaduai 109 niin an chhutsak.
Ronaldo hlawh pe kim turin Juventus thu an pe
