Mizoram TKP rorel vawi 69-na thu pass ‘Mizoramah tun aia rorelna dik a awm theih nan MTKP-in hma la rawh se’ tih bawhzuina pakhat atana awareness video clip pathum MTKP-in a buatsaih chu Thawhlehni zan khan Serkawn Lungleiah Baptist Church of Mizoram general secretary Rev R Lalbiakliana’n Pathian hnenah hlanin a tlangzarh.
Video clip buatsaih tura MTKP-in a sawm TKP Trinity Unit Zobawk secretary leh TKP Venghlun Unit Lunglei secretary ten awareness video an buatsaih dan an report a ni.
Mizoram TKP chuan ‘Mizoramah tun aia rorelna dik a awm theih nan MTKP-in hma la rawh se’ tih thu bawhzui hian kumin August 20 khan Mizoram chhung leh pawna unit zawng zawng chawngheiin an tawngtai a. October 9 & 10 khan MTKP hruaituten Mizorama political party hrang 5 headquarters tlawhin an hruaitute nena an kawm a; an tan an tawngtai a ni.
Rorelna dik a thlenna atan video clip siam
