ROSE leh Bruno Mars hla hit ‘APT.’ kar khat chhunga khawvel huapa hla lar ber niin, Billboard Global 200 chart-ah a No.1 a, he chart-ah hian kar riat a No.1 tling ta. Hetirual hian Krismas boruakin mi a chiah ta tak tak a ni ang, chart top 10-a hla paruk te chu Krismas rimnam hla te an ni bawk.
Billboard Global 200 chart hi kar khat chhunga khawvel huapa hla lar dan tehna niin, chart ranking siam nan hian ram hrang hrang 200 chuanga official-only streams (subscription leh ad-supported audio le video music services) leh download sales te chu tehna pawimawh a ni.
ROSE leh Bruno Mars ‘APT.’ hian kar khat chhungin stream maktaduai 147.7 leh sales 18,000 a la tling thei a, hei hi chart-ah a kar riat nan a No.1 pui leh ta a ni. ‘APT.’ hi kar riat chhung chu kartin stream maktaduai 100 a la kai ziah a, hetiang tithei awm chhun a la ni a, kumina kar khata hla stream nasat zual pakua-ah pariat a hauh thei bawk.
Mariah Carey Krismas lengzem hla chuai thei lo ‘All I Want for Christmas Is You’ chu No.2-ah bawk a la awm a. He hla hi 1994-a a tlangzarh kha niin, chart top 10-ah kar 18 a lang tawh a- 2023 leh 2022-ah kar nga ve ve leh 2021 leh 2020-ah kar li ve ve a No.1 tawh a, kuminah hian ‘APT.’ hian a No.1 leh theihna kawng a dal dawn a ni mai thei.
Krismas rimnam hla dang pali top 10-a lang a awm a- Wham! ‘Last Christmas’ chu No.11 atangin No.4-ah a invawrh a, Brenda Lee ‘Rockin’ Around the Christmas Tree’ chu No.6 atangin No.5 a kai a, Bobby Helms ‘Jingle Bell Rock’ chu No.8 atangin No.6-ah a insawn a, Ariana Grande ‘Santa Tell Me’ chu No.13 atangin No.10 a kai bawk.
Kumina kar khat chhunga hla stream nasat zual pakua te chu:
224.5 million, “APT.,” ROSÉ & Bruno Mars, Nov. 2
207.5 million, “APT.,” Nov. 9
176.8 million, “Fortnight,” Taylor Swift feat. Post Malone, May 4
162.2 million, “APT.,” Nov. 16
160.6 million, “APT.,” Dec. 7
149.9 million, “APT.,” Dec. 14
147.7 million, “APT.,” Dec. 21
146.4 million, “APT.,” Nov. 23
132.7 million, “APT.,” Nov. 30
Billboard Global 200 Top 10:
1 APT. – ROSE & Bruno Mars
2 All I Want For Christmas Is You – Mariah Carey
3 Last Christmas – Wham!
4 Die With A Smile – Lady Gaga & Bruno Mars
5 Rockin’ Around The Christmas Tree – Brenda Lee
6 Jingle Bell Rock – Bobby Helms
7 Birds Of A Feather – Billie Eilish
8 Luther – Kendrick Lamar & SZA
9 That’s So True – Gracie Abrams
10 Santa Tell Me – Ariana Grande