Royal Enfield Super Meteor 650 chu India-ah an tlangzarh ta a, showroom-ah Rs 3,49,000 man a ni a, Royal Enfield kutchhuakah chuan 650 cc model pathumna a ni a, Royal Enfield motorcycle tlangzarh tawh zingah chuan a manto ber a la ni bawk. He cruiser motorcycle hi Rider Mania 2022, nikum November-a neihah khan an phochhuak tawh a, booking pawh nikum November khan hawngin, February thla atangin an pechhuak tan ang.
Royal Enfield Super Meteor 650 hi retro cruiser design niin,upright riding position a nei a, tear-drop shaped fuel tank neiin, LED headlight bial (RE motorcycle-ah chuan a hmasa ber) neiin, taillight bial a nei bawk a, two-piece seat neiin, grabrails a nei lo a, twin-exhaust setup a nei bawk. A fuel tank-a Royal Enfield badging chu design thar niin, cast-aluminium switch cubes (hei pawh RE motorcycle-ah a hmasa ber) a nei bawk.
Super Meteor 650 hian 648 cc parallel-twin oil/air cooled engine neiin, six-speed gearbox a nei a, 47 bhp @ 7250 rpm leh 52.3 Nm torque @ 5650 rpm pechhuak thei a ni. A chassis type hi steel tubular spine frame niin, a hmalamah 43 mm upside down telescopic fork, 120 mm travel neiin, a hnunglam suspension-ah twin shocks-101 mm travel, pre-load adjustable a nei a, a ground clearance 135 mm niin, a fuel tank-ah litre 15.7 a leng a, kg 241 a rit a ni. A ke hmaah 19-inch wheel neiin, a hnungah 16-inch a nei ve thung a, a ke hmaah single 320 mm disc brake neiin, a hnungah 300 mm disc a nei ve thung a, dual-channel ABS a thuam a ni.