Delhi High Court chuan Reserve Bank of India (RBI) in Rs 2,000 denomination currency note circulation atanga a tihtawp chungchanga public interest litigation (PIL) theh luhah engmah thutlukna siam a la nei lo. Tun hi he mi kaihhnawiha court-a PIL thehluh pahnihna a ni.
Thawhtanni khan High Court chuan identity proof tel lo chuan sorkar chuan Rs 2,000 banknote te thleng a remti tur a ni lo tiha PIL chu a lo hnawl tawh thung.
“Sorkarin thutlukna a siam hi policy thil tak meuh meuh a ni a court chu appellate authority anga awmin sorkar thutlukna chunga thuneitu a ni thei ngawt lo,” tiin court chuan a sawi.
PIL pahnihna hi Rajneesh Bhaskar Gupta theh luh niin RBI chuan banknote denominational value eng pawh titawp tura thuneihna a nei lo va, Section 24 (2) of the RBI Act, 1934 hnuaiah Centre thuneihna liau liau a ni a ti ve thung a.
Petition chuan RBI notification chuan ‘Clean Note Policy’ tih chauh lo chu thutlukna a siamah chhuanlam engmah tarlan a nei lo a ti bawk a.
“RBI hian Rs 2,000 banknote tihtawp chuan national economy-ah eng nge hlawkna a siam ang engmah sawi a nei lo va, tuna thutlukna a siam hian kum 2016 a Rs 500 leh Rs 1000 tihtawp thut avanga khua leh tui tena harsatna an tawh ang kha a thleng leh mek a ni” tiin petition chuan a tarlang bawk.
RBI chuan a hmain Rs 2,000 note laklet leh chu economic policy tia sawiin ‘currency management exercise’ kalzel a lo ti tawh thung.
Rs 2000 note tihtawp la khing zui zel
