Rashtriya Swayamsevak Sangh (RSS chief Mohan Bhagwat chuan ‘Akhand Bharat’ chu thudik hnial theihloh tia sawiin Bharat thenhran chu mangchhia a ni tiin a sawi bawk.
Bhagwat chuan Bharat thendarh te chu ni khat chu la inzawmkhawm tur a ti bawk a. RSS chief chuan pakistan chu India atanga a inlakhran avangin ‘a hlim lo’ tia sawi bawkin, nikhat chu ‘Akhand Bharat’ ah a la lut ang tiin a sawi bawk.
“India in Pakistan run rawh se ka tihna a ni lo, nikhat chu mipui ten inzawm an la duh dawn a ni. Chuvangin Akhand Bharat chu a la thleng dik dawn” tiin Bhagwat chuan a sawi a.
Bhopal a freedom fighter leh revolutionary Hemu Kalani piancham pawmnaa thusawina neihah Bhagwat chuan, “Tun hma chuan Bharat chauh a awm a. Bharat thlang tura tih i nih chuan Bharat pakhat zawk chu he Bharat ah hian a tel a ngai a ni. Kum 1947 hmaa ram kha eng nge tia zawh kan nih chuan bharat chauh a ni” tiin a sawi a, ‘chu Bharat ah chuan Vedas te chham a ni thin’ tiin a sawi bawk.
Bhagwat chuan indians te chuan India ram bung hrang hrang te tun hmaa thenddarha awm te chu an suihzawm leh a ngai a ti bawk a. “Taksa bung hrang inthendarh a damchhuak thei lo, chinfel ngai a ni. Kan thinlunga bet tlat inzawmna kan neih te hi kan kalsan thei lo” tiin a sawi bawk.
RSS te chuan Akhand Bharat tih hian India ram thendarh loh tuna Afghanistan, Nepal, Pakistan, Bangladesh, Sri Lanka, Myanmar, Aksai Chin, Tibet leh Bhutan te a huam tel vek a ni.
India thendarh chungchang sawiin Bhagwat chuan, “Mi pakhat min thendarh turin a lokal a. Engmah hriata nei lo va, thla thum chhungin min thendarh a. A tihtur a hlen hnuah a haw a, a thiltihah mithiam a ni hauh lova, a thiltih pawh hriata nei lo” tiin a sawi bawk a.
Sri Aurobindo thusawi sawi chhawngin RS chief chuan ‘Inthendarhna (partition)” hi kan namthluk a ngai a, Paksitan mipui te pawhin tihsual a ni an ti a ni tiin a sawi.
“Mi pangngai te India atanga inlahrang a, an tradition leh culture te kalsana anmahni thlahtute theihnghilh zui te chu a tir phat atangin an hlim lo” a ti bawk a.
“India chhuahsan lo let leh te chu huaisen takin an ke in an ding tawh a ni. An hlim lo tawh lo. An kalsan rama la cheng te chu an la hlim lo reng a, nun lem tak an nei mek a ni” tiin a sawi bawk.
Mitin ten nun dan dik an kalpui vek tur a ni a, tun hma nuna thil tihsual a awm tawh a nih chuan chung te siamthat chu thil dik lo a ni hauh lo, tiin a sawi bawk a.
“Chutak chu nangni ho ka zirtirna chhan che u a ni. eng hunah nge a thlen ang a, engtiangin nge a thlen dawn ka hre si lo” tia sawiin RSS chief Bhagwat chuan Indian culture chuan mipui te chu self-defence theih dan tur a zirtir tiin a sawi bawk.
RSS ten ‘Akhund Bharat’ thlen tir tum bur
