RTI Online-a la inziaklut
lo department SPIO te ko
Mizoram RTI Online-a inziaklut vek tura tum hnih hrilh tawh chunga la inziaklut lo state public information officer (SPIO) awmna department hotute chu Mizoram Information Commission chuan koin, Thawhtanni khan department 11 hotute chu chief information commissioner John Neihlaia leh information commissioner Mangjangam Touthang hmaah inlan.
Head of department leh senior officer engemawzat inlanin RTI Online-ah an department SPIO la in register lote in register ngei a tul tih hrilh an ni a, department hotute hian a hma thei ang bera MIC thuchhuak hi zawma hma lak an tum tih an sawi.
Vawiin – December 17 hian department 16 dang hotute MIC-a inlan leh tura hriattir an ni.
Mizoram RTI Online hi 2022 July 1 khan hman theiha hawn a ni a. General Administration Department chuan 2022 July 22 khan hriattirna tichhuakin departmental appellate authority (DAA), state public information officer (SPIO) leh state assistant public information officer (SAPIO) te chu he portal-ah hian 2022 August 22 aia tlai loa in register turin a lo ti tawh. Kumin August 21 khan Mizoram Information Commission chuan September 15 ralhmaa in register vek turin thu a chhuah nawn a. La in register lo hriatchhuahte chu CIC hmaa inlan tura koh a nih tur thu hriattir an nih angin, MIC hian hma a la ta a ni.
RTI Online-a la inziaklut lo department SPIO te ko
