Ruahsur nasa avangin Tamil Nadu-ah school chawlh puang
India Meteorological Department (IMD) chuan ramchhung chhim lama ruahsur nasa la thleng thei reng nia a tarlan avangin Tamil Nadu sorkar chuan ram pumah school chawlh a puang.
Ningani atang khan zirna inte hi khar tan a ni a, district tin thuneitute chuan an huamchhung theuhah hriattirna an tichhuak a ni.
Ruahsur nasa avang hian district thenkhat chuan primary school chin chu zirna in chawlh an lo puang tawh a, ningani atang khan state chhung district zawng zawng chuan school chawlh an puang zui ve ta bawk.
Ruahtui tlak tam theihna lai tura nia tarlan Tiruvannamalai-ah chuan school leh college te pawh khar a ni a, district thuneitute chuan zirna in sang leh hniam deuhte chu chawlh puangin, mahni in lam atanga zirna kalpui turin an hriattir hlawm.
Vellore-a Thiruvalluvar University chuan November leh December thlaa exam neih tura an lo ruahman pawh an sawn hlat thu an sawi.
Sorkar chuan school chawlh chhung tur hi tarlang rih lovin, khaw awmdan an ngaihchan zel tur thu an sawi a ni.
Ruahsur nasa avangin Tamil Nadu-ah school chawlh puang
