Ruahsur nasa vangin thlawhna
thlawkchhuak tur cancel nual
Tamil Nadu chu ruahsur nasa avangin an buai mek a, thlawhna thlawkchhuak tur pariat cancel ni tawhin, an khawchin hian ziaawm lam a la pan hlei thei dawn lo nia sawi a ni.
Thuchhuah an siamah chuan, ruah nasa tak a sur avang leh khaw awmdanin ziaawm lam a la pan theih loh zel avangin Chennai atanga thlawhna thlawkchhuak turte cancel a ngai chho zel rih a, Chennai airport chuan khawchin ziaawm hun a nghak zel rih dawn, an ti.
Ruahsur hian a tam lam chhinchhiahna zel a la kawh rih avangin Tamil Nadu chief minister MK Stalin chuan nimin khan sorkar mi pawimawh tak takte kokhawmin, a tul anga chet lak dan tur leh mipuite himna tur kawng hrang hrang a sawipui a; ruahsur nasa avang hian traffic jam a tamin, khawlaiah tuihawk a tling nasa hle.
Vawiin lam pawh hian nimin aia ruahsur hi tam zawk tura la sawi niin, sangha mantute leh tuipui hnaiha khawsate phei chu hmun him lam pan hram hram rih turin sorkar chuan an ngen bawk.
Ruahsur nasa vangin thlawhna thlawkchhuak tur cancel nual
