Sawrkar laipui Ministry of Housing and Urban Affairs (MoHUA) chuan Ministry of Jal Shakti-a Department of Water Resources, River Development and Ganga Rejuvenation (DoWR, RD&GR) nen tangdunin Jal Sanchay Jal Bhagidari (JSJB) hnuaiah “Catch The Rain campaign 2026” a kalpui mek a. He campaign hi ni 30 chhung atan ram pum huapah neih niin, ruahtui khawl, leihnuai tui tih pun, tuikhuah leh tuikhur siamthat leh tui humhalh dan kawng dang tam zawk dap tumin hma lak mek a ni.
Mizoramah pawh Catch the Rain Campaign 2026 hi AMRUT 2.0 hnuaiah Urban Development & Poverty Alleviation Department leh Public Health Engineering Department nen tanghoin ruahtui khawl leh tuikhura tui hna tha zawk siam turin inzirtir mek a ni.
AMRUT 2.0 hnuaia tuikhur siam hi kar kalta khan Aizawl veng thenkhatah UD&PA director Jacob Lalawmpuia leh joint director (P) RL Zidinga kaihhruaiin hawn a ni a, tuikhur siam hi a veng local council hnenah khawtlang tana tangkai taka an hman tur leh vawnthat tura hlan a ni.
Ruahtui khawl leh tuikhur siam lam inhrilh
