Rualbanlote enkawl dan zirtir
Sawrkar laipui Ministry of Social Justice & Empowerment hnuaia National Institute for the Empowerment of Persons with Intellectual Disabilities (NIEPID) chuan thluak lam khawih rualbanlote enkawl leh zirtir dan chungchangah March 23 & 24 khan Lungleiah training an buatsaih.
NIEPID Regional Centre Noida assistant professor (Special Education) Dr Hemant Keshwal leh CRC Nellore-a assistant professor (Clinical Psychology) Manoj Kumar SP te chu resource person niin, anganwadi thawktute, healthcare worker, special education teachers, social work zirlaite leh pianphunga rualbanlo nu leh pate an tel a. Pianphunga rualbanlote tan bika siam Training & Learning Material (TLM) mi 10 hnenah an sem a ni.
Training kharna inkhawm hmanpuitu Lunglei bawrhsap Ramdinliani chuan pianphunga rualbanlote enkawlna kawnga hma kan sawn theihna tura stakeholder-te tana training buatsaih chuan rah tha tak a chhuah ngei a beisei tih a sawi a. Lunglei district-ah TLM mamawh mi engemawzat la awm ten an neih ngei theihna’n Ministry of SJ&E aiawhte chu lo ngaihven pui turin a ngen a ni.
Rualbanlote enkawl dan zirtir
![](https://theaizawlpost.org/wp-content/uploads/tap_logo-min-large.jpg)