Ruh inchuktuah han elh rik deuh pawp pawp theih hi kan nei ve nual ang, kut zungtang te, ring ruh te pawh a elh rik tuar tuar theih thin a, Sweden a cheng Olle Lundin chuan a ruh chuktuah chi hrang hrang 46 a elh ri thei a, Guinness World Record a siam. Olle hian a hmaa hetiang record chu elh rik ruk (six cracks)-in a khum a ni.
Hetiang record siam tum hian Olle pawh a inbuatsaih nasa ve hle a, thla khat chhung chu nitin a ruh chuktuah chi hrang hrang elh rik dan a zir a, record siam a tum ni chuan a ruh chuktuah hrang hrang te an lo zawi hman loh nan chet pawh a che tha vak ngam lo hial a ni!
Record siam tur hian duh duh hunah in elh rik ringawt kha a theih bik loh a, Guinness guideline-ah chuan ruh chuktuah pakhat a elh rik atanga a dang a elh rik leh inkarah second thum aia rei a tla tur a ni lo a, a vawi khat elhnaa a rik nghal loh chuan elh nawn a thiang lo bawk.
Ruh elh ri tam thei record siam
