Mizo Archaeological Society chuan ruhro hlui nia ngaih theih laichhuak emaw hmu emaw chuan khawih chingpen mai loa anmahni hrilhhre thin turin an ngen.
November 27 khan Aizawl Luangmual tlang Martar thlanmual bula mimal in sakna tura bankhur laihnaah hlumbel chhunga awm mihring ruhro laih chhuah a ni a. He thu hi Mizo Archaeological Society (MAS), History Department ICFAI University Mizoram leh Art & Culture department tangho chuan November 28 khan a hmunah enfiahin an senghawi a ni. He ruhro hi mihring puitling pakhat ruhro a ni tih finfiah a ni a. He ruh hi nakin zela research la ti duh tan leh Mizorama mi chengte history chhuina atana thil tangkai thei tak a nih avangin vawnghima kawltha turin dahthat a ni.
Hetiang ruhro bel chhunga hmuh a nihin a phawrh tur leh a awmdan ang anga a zirtute koh hun nghah hram a pawimawh tih MAS hian an sawi a.Tun hnuah hetiang hi laihchhuah a nih chuan a rang lama hrilh thuai turin he pawl hruaitute chuan mipui an ngen. ‘Hetiang ruhro hi dimdawi taka vawnthat a pawimawh a, kutlawnga lo khawih pawhin zir zui duh tan thil a ti pawi theih avangin kutkawr thianghlim nen a nih loh phei chuan khawih bawrhbang lo thei ang bera ruahman thin tur leh, fimkhur taka lo dahtha turin mipui kan ngen a. A theih hram chuan, a hmuhchhuahna hmunah khawih sawn loa lo zuah rih hram turin kan ngen a
Ruhro hlui roh turin ngen
