Ruichunga lirthei khalh avangin Rwanda ram miss man
Rwanda rama an beauty queen pakhat Divine Muheto chu zu rui chunga lirthei a khalh avang leh licence nei lo a nih bawk avangin man a ni.
Police te chuan Miss Rwanda hian kawngkama thil awm engemawzat a sutchhiat thu an sawi a, mihring thi leh hliam erawh an awm phah lo niin an sawi.
Kum 21 mi miss hian zu rui chunga lirthei a vawikhat khalhna a nih loh thu sawi ni bawkin, ni engemawzat chu tan in lamah hun a hman ve ngei a ngaih dawn thu an sawi bawk.
Miss Muheto hian man a nih chungchangah engmah a la sawichhuak lo a; kum 2022 a an ramchhung miss inelnaa lukhum lo khum tawhtu niin, hemi hnu hian intihsiakna neih a la ni leh lo a, a buatsaihtute laka mipat hmeichhiatna hmansual awm nasaa puh an nih avangin sorkar in a titawp a ni.
Rwanda ramah hian police ten dan kenkawh kawngah hma la nasa zualin, mi sang tam takin man an lo tawk tawh a, kawngpuia lirthei chetsualna pawh a tlahniam nia sawi a ni bawk.
Miss Rwanda thubuai hi capital city Kigali court chuan ningani atang hian a ngaihtuah dawn nia sawi niin, tanin lama hun a hman zui ngei an rin thu police te chuan an sawi.
Ruichunga lirthei khalh avangin Rwanda ram miss man
