Ruihhlo do kawngah kohhran nen thawk dun turin hma kan la dawn – CYMA president

Ruihhlo do kawngah kohhran nen
thawk dun turin hma kan la dawn
– CYMA president
Ruihhlo do kawngah kohhran nen thawhho a tul a, chumi tur chuan hma an la dawn tih Central YMA president R Lalngheta chuan a sawi.
YMA Bethlehem Vengthlang Branch-in Ningani zana YMA Kumpuan an hawn a hmanpuinaah Central YMA president chuan, ruihhlo do turin sawrkar a phurin a inhawng hle a. Ruihhlo ngaite enkawlna tur an hriat loh laiin TBCC an inhawng hlauh a, hetianga ruihhlo ngai dahna atan home an hman pawh sawrkarin a theih ang anga thuamthat a tum chu an lawm hle tih a sawi a ni.
“Ruihhlo do kawngah kohhran nen thawhho a tul a, chumi tur chuan hma kan la dawn. Ruihhlo kalkawng kan ni a, ruihhlo zuarte pawh an sim duh loh chuan kan pal ang. Kan tih loh chuan kan tu kan faten min la dem ang, tute maw kuta dah loin, keimahni tih turah dah ang u. Diklo taka sum lalut thin hnawl ngam ang u,” a ti.
Ruihhlo ngaite chu chhanchhuah theih an la ni, tiin, ruihhlo do kumpuan an hman hnu ah chhanchhuah an nei nual, a then chu missionary-ah leh zaipawl conductor thlenga tang ta an awm tih R Lalngheta hian a sawi a ni.