India ram Independence Day vawi 78-na lawmna atan leh ruihhlo dona atana ruihhlo do kawngzawhpui – Walkathon – Walk Against Drugs chu Nilaini zing khan Excise & Narcotics department chuan a huaihawt. He kawngzawha thupui chu “Kan tanho phawt chuan khawtlang him zawk, hrisel zawk leh ruihhlo laka fihlim kan din thei ang” tih a ni.
Kawngzawhpui hmanpuitu Excise & Narcotics minister Lalnghinglova Hmar chuan India ram zalenna sualtute khan thil tam tak chanin a thente phei chuan an nunna hial an chan a. Beidawng duh loin an sual a, a tawpah chuan ramin zalenna a nei ta tih a sawi.
“Chutiangin Mizoramah sawrkar, khawtlang, tlawmngai pawl leh kohhranin ruihhlo kan doa, a rah chu kan hmu nghal mai lo a ni thei; beidawng hauh loa kan do zel chuan Mizoram hi ruihhlo lakah kan la zalen ngei ang tih beisei chungin ruihhlo hi do zel ang u,” a ti.
Excise & Narcotics joint commissioner ruihhlo laka fihlim tur leh ruihhlo do kawnga an mawhphurhna hlen turin an intiam a ni.
Kawngzawhpuiah hian school hrang hrang atangin zirlai 250 chuang an tel a. Central YMA office bearers leh Kumpuan Committee bakah department thawktute leh ruihhlo do kawnga mi thahnemngaite an vaiin mi 400 dawn an tel a ni.
Ruihhlo do kawngzawhpui
