Khawzawl District Narco Coordination Center (NCORD) chu an chairman, bawrhsap K Lalrohlua hoin Thawhtanni khan an thukhawm a. Ruihhlo tirem tura NCORD hmalak tawhna thlir hoin, hmalak zel dan tur an sawi bawk.
Chairman chuan Khawzawl district chu international border hrula awm a nih angin, ruihhlo tawlhrukna kalkawng a nihna chen a awm a. An district-ah ruihtheihthil a hluar phah nia a hriat thu a sawi. Ruihhlo la ti ve lo te venhim chu ngaihpawimawh hmasaka neih a ngai, tiin, sawrkar, khawtlang, kohhran leh tlawmngai pawl te chu ruihhlo tih chhin loh pawimawh zia uar taka zirtir zel turin a ngen a ni.
Khawzawl SP Lalchhuanthanga chuan District Education Office (DEO) nen inrawnin, sawrkar kum kalmek 2023 -2024 chhunga hmalak dan tur ‘campaign calendar’ an ruahman fel tawh tih a sawi.
Report-a tarlan danin, April 21 khan Kawnzar Presbyterian Kohhran Sunday School Naupang Chawhnu inkhawmah awareness campaign neih a ni a, April 29 khan sikul naupangte pualin Ngaizawlah neih leh a ni. CodNerc hmalaknain Tualteah awareness campaign neih a ni bawk.
Thutkhawm thurel zingah kohhran tinte hnenah ruihhlo that loh zia sawi uar tura ngen, awarness campaign huapzau zawk neih zelm tih te a tel.
Ruihhlo ti tihtlem dan tur rel
