Ruihhlovin thalaite a tibuai a, nunna hlu tak chan phah pawh an awm leh thin. Kuminah pawh hriat theih chinah mi 10-in ruihhlo vangin nunna an chan tawh.
Mizoram Excise & Narcotics (MEN) department-in an chhinchhiah danin, March ni 4 thleng khan kuminah Mizoramah mi 10-in nunna an chan tawh a, mipa pakua leh hmeichhia pakhat an ni.
An chhinchhiah danin, mi pangate chu heroin vanga nunna chan an ni a, mi dang pangate vanduainaah pawh heroin a tel; mi dang pangate chu heroin leh alprazolam vanga nunna chan an ni.
Nunna chanah hian a naupang ber chu kum 22 mi a ni a, a upa ber chu kum 50 mi a ni.
Nikum khan ruihhlo vanga nunna chanah a naupang ber chu kum 21 mi a ni a, a upa ber chu kum 57 mi a ni. 2018-ah khan kum 58 mi a awm a, ani hi MEN department-in an chhinchhiah chinah a upa ber.
MEN department hian 1984-ah ruihhlo vanga nunna chan zat hi an chhinchhiah tan a, kumin March ni 4 thleng khan mipa 1604 leh hmeichhia 218, an vaiin mi 1822-in nunna an chan tawh.
Ruihhlo vangin mi 10-in nunna chan tawh
