Aizawl khawpui fai lo leh deuhYMA-in ruihhlo do kum puangin ruihhlo a do mek a, ruihhlo vaiin hmun hrang hrangah theihtawp a chhuah mek. Aizawlah pawh ruihhlo vangin mi 300 chuang an man tawh a, mahse tun hnaiah Aizawl khawpui hi a fai lo leh deuh.
Kum hmasa lam atangin ruihhlo vangin Aizawl khawpui a tawp a, khawlaiah ruihhlo sulhnu hmuhnawm loh tak tak hmuh tur a awm deuh reng. Hmun lun laiin zalen takin ruihhlo an zuar a, ngampa takin an rui bawk. Kuminah a zia a, mahse February thla chawhnu lamah a tawp leh deuh.
Nikum December thla tawp lamah Central YMA hruaitute’n khawlai an fang a, ruihhlo vangin mi engemaw zat an khawm. Chumi hnuah kumpuan bawhzuitu tur CADS (Central Anti Drug Squad) an din a, kumhlui December thla tawp lam atanga February ni 24 thlengin ruihhlo vangin mi 356 vel an khawm tawh.
Khawlaia ruihhlo khawih thin an khawm thin avangin kum tharah Aizawl khawlai a fai deuh kuar a, hmun lun laite pawh a fai pur mai. Mahse tun hnai teah a tawp leh a, a hma anga tawp chu a ni lo, mahse a tawp leh.
Tun karah pawh Aizawl hmun lun laiah ruihhlo sulhnu hmuh tur a awm leh a, chhun engah pawh chutiang chu hmuh tur a awm thin.
“A zia deuh ngei a, a fai tawh kan ti lo a, tlem chuan a zia deuh a ni mai a. Mahse inven sen a har khawp mai a,” CADS hruaitu pakhat chuan a ti.
Ruihhlo do kum puangtu YMA hian Aizawl hi tun hnaiah zone 10-ah an then a, zone tinah chuan ruihhlo dovin YMA branch hrang hrang an duty tan tawh. Hei hian awmzia a neih an beisei thu YMA hruaitute chuan an sawi.
CADS hruaitu chuan mi an khawmah excise & narcotics department hnena hlan an awm a, home-a dah an awm a, enthlak zui, a theih ang anga kawm an awm bawk tih te an sawi. Counsellor an nei thin a, mahse Pro Pastor a nih tak avangin an nei rih lo. Synod-in counsellor a pe dawn a, an mi khawmte pawh counsellor-in an kawm thei tep ang tih an sawi bawk.
An mi khawmteah hian hmeichhia an tam zawka an rin thu an sawi a, lian thama zuarte hi hmeichhia an ni tlangpui tih an sawi bawk.
Ruihhlo vangin mi 300 chuang man tawh
