Rulhut hlo
District Level Coordination Committee for National Deworming Day Lunglei chu an chairman, district bawrhsap Navneet Mann hoin nimin khan an thu khawm a. National Deworming Day (NDD) February Round 2025 kalpui dan tur an sawiho. He hmalaknaah hian Hnahthial district chu Lunglei district-ah la beh tir rih a ni a, NDD August 2024 round-ah Lunglei leh Hnahthial district-a target mi 60532 atangin 97.06% chu rulhut hlo pek an ni. Kumin NDD February round-a rulhut hlo pek tur hian kum 1-19 inkar target 51601 an awm. NDD hi kumtin vawi hnih, February leh August-ah hman thin a ni a, kumin February round hi February 10 atanga hman tan tum a ni. Naupang kum 1-19 inkar chu rulhut hlo (Tab. Albendazole) eitir vek tura tih a ni a. Naupang kum 2 hnuailam mum chanvea eitir thin niin, kum 2 chunglam mum khat pek thin an ni. Rulhut hlo hi zirna in leh Anganwadi Centre-ah pek tur a ni a, chumia hmaihte chu an ina kalchilha pek tum a ni.
Rulhut hlo
