Beyonce leh Jay-Z te fanu Rumi Carter, kum 6 leh thla 9,chu a nu hla thar ‘Protector’-ah guest artist a ni a, he hla hi Billboard Hot 100 chart No.42-ah a lang a, Rumi Carter hi hmeichhe artist zinga Hot 100 chart ranking a lang thei ber a ni.
He hla hi Beyonce album thar ‘Cowboy Carter’ ami niin, kar khat chhungin US-ah stream maktaduai 11.3 a nei thei a, Hot 100 chart-ah No.42 a kai a, Rumi hian chart record a siam ta a ni. A hmaa he record siamtu chu Beyonce leh Jay-Z te fanu upa zawk, Blue Ivy niin, 2019 khan a nu hla ‘Brown Skin Girl’-ah guest artist niin, he hla hi Hot 100 chart-ah No.76 a kai a, chutih lai chuan Blue Ivy hi hmeiche naupang kum 7 mi a ni. ‘Brown Skin Girl’ hi The Lion King-inspired album The Lon King: The Gift a hla a ni.
Rumi hian Hot 100 chart-a hmeichhe artist lang thei naupang ber record a siam laiin, hmeichhia chauh ni lo-ah chuan he chart-a lang thei naupang ber chu Jordy niin, 1993 khan ‘Dur Dur D’etre Bebe!’ hla avangin chart ranking-ah a lang a, chutih lai chuan Jordy hi mipa naupang kum 5 mi chauh a la ni.
Rumi Carter-i’n Billboard Hot 100 chart record a siam
