India rama marathoner langsar ber zinga tel leh sulhnu chhinchhiah tlak tak tak nei tawh, Bengaluru-a cheng Dharmendra Kumar (44) chuan high school leh college a kal thinna Mizoram chu fit pawimawhzia aupuiin a hrut dawn.
Dharmendra hian March 6-11 chhungin Siaha atangin Vairengte a tlan thleng dawn a. He hunah hian a duh apiangin mahni remchan danin kein emaw thirsakawrin emaw lirthei emaw pawhin zawm ve turin a sawm.
“Run of Mizoram” a neih chhan tur hi fitness leh hriselna tih larna atan a tih bakah Mizoram tourism promote-na atan a ni a. Sponsor-tu hranpa a nei hran loa, ama sum sengin hetiang hun hi a hmang dawn a ni.
Run of Mizoram programme-ah hian March 6-ah Siaha chhuahsanin Lawngtlai (km.56) a lut anga, March 7-ah Lawngtlai atangin Lunglei (km.65) a lut ang. March 8-ah Lunglei atangin Thenzawl (km.69), March 9-ah Thenzawl atangin Aizawl (km.78), March 10-ah Aizawl atangin Kolasib (km.70), March 11 ah Kolasib atangin Vairengte (km.42) a thleng dawn a, ni 6 chhung hian km.380 a thleng hman tura ngaih a ni.
‘Run of Mizoram’ ah Siaha atangin Vairengte thlen tum
![](https://theaizawlpost.org/wp-content/uploads/tap_logo-min-large.jpg)