India leh Russia te chuan Khawthlang ram tena Moscow an hrek mek laiin RuPay leh Mir cards te an ram ve ve a harsatna awm lova hman a nih theih nan hma an la mek.
Tun hnaia high-level Internal Governmental Commission meeting on Trade, Economic, Scientific, Technological and Cultural Cooperation (IRIGC-TEC) neihnaah sawi a ni a, hmalak zui ni se tih zui a ni bawk.
RuPay (India) leh Mir cards (Russia) te pawm tawn a nih chuan Indian leh Russian khua leh tui te chuan an ram ve veah Indian rupees leh Russian ruble hmanna lamah harsatna an nei dawn lo tia sawi a ni a.
He meeting hi External Affairs Minister S Jaishankar leh Russia Deputy Prime Minister Denis Manturov te chuan kaihruai dunin Unified Payments Interface (UPI) of National Payment Corporation of India leh Faster Payments System (FPS) of the Bank of Russia te indawrtawn theih dan tur zawn ni se tih a ni bawk.
Heng bakah hian cross border payment tih nan Russian financial messaging system, Services Bureau of Financial Messaging System of the Bank of Russia hman theih dan tur zawn nise tih a ni bawk a. Tun dinhmunah chuan India leh Russia te hian payment tih tawn nan SWIFT network an la hmang rih a ni.
Moscow hrek nasat a nih lai khan India chuan SWIFT network lo chu Russia dawr nan a hmang thei lo va. Tun hnaiah Prime Minster Narendra Modi leh Singapore Prime Minister Lee Hsien Loong te chuan UPI leh PayNow inthlunzawmna turin cross-border connectivity an kalpui thar bawk a. Unified Payments Interface (UPI) leh Singapore’s PayNow thlunzawm hamng hian ram pahniha hnathawk te leh zirlai te chuan awlsam takin sum an inthawn zung zung thei tawh a ni.
PayNow-UPI linkage hi khawvela real-time payment system cloud-based infrastructure hmang hmasa ber a ni bawk a.
A tirah State Bank of India, Indian Overseas Bank, Indian bank leh ICICI Bank te chuan sum lut leh chhuak lo dawngsawngin Axi Bank leh DBS India te chuan sum lut bik an buaipui thung a.
UPI hi kum 2016 a kalpui tan kha niin tunah chuan khawvela payment mode hman rim ber ni tawhin person-to-person leh person-to-merchant transaction tihnana hman ber niin digital payments 75% lawih a hauh a ni.
UPI transaction volume pawh January 2017 a 0.45 crore atangin January 2023 ah meuh chuan 804 crore ah a kai chho dawrh tawh a. UPI transaction value pawh hetih hun chhung tho hian Rs 1,700 crore atangin Rs 12.98 lakh-ah a zuang chho dawrh tawh bawk.
Retail payment leh settlement system India rama kalpui nan hian kum 2008 khan National Payments Corporation of India (NPCI) chu umbrella organisation atana hman a ni a.
Payment system leh settlement infrastructure tha tak siam zuiin retail payment product hrang hrang heng RuPay card, Immediate Payment Service (IMPS), UPI, Bharat Interface for Money (BHIM), BHIM Aadhaar, National Electrocnic Toll Collection (NETC Fastag) leh Bharat BillPay te chuan an hmang vek a ni.
RuPay leh Mir card hmang turin hma la mek
