Russia-in Kyiv a beihnaah mi 13 thi

Russian sipaiten Nilaini zan zankhuaa drone leh missile hmanga Kyiv an beihnaah mi 13 an thi a, mayor chuan Ukrainian khawpui beihpui thlakna lian ber niin a sawi.
Vitaly Klitschko-a chuan Zirtawpni hi sunna ni atan a puang a, mi 90 velin hliam an tuar tih a sawi a. Ambulance station pawh beih zingah a tel tih a sawi.
A hmaa beihna an tawh tawhah mi tam zawk thi leh hliam leh ralthuam zawk hman ni thin mah se tun tum bik hi chuan Kyiv khawpui tam tak kal a ni.
Ukrainian President Volodymyr Zelensky-a’n che turin Russia a inbuatsaih tih a sawi hnu darkar eng emaw zata khawpui hmun hrang hranga building-te chu kah niin mi eng emaw zat chu sawnchhuah an ni.
Russia chuan civil hmunhma beihna chhan let nan an sipaite chuan military plant an tih chu an kap niin a sawi a. Ukraine chuan Moscow chu civil mite hmun beituah a puh a, ‘mi nektu leh ram pakhatin amah leh amah inven nan’ thil a tih chu tehkhin chu thil dik lo a nih tur thu a sawi.
Ukraine air force chuan Russia hian zan khatah missile 74 leh drone 496 a kap chhuak tih an sawi a, khawpui an bei nasa zual tih an sawi.
Ram chhunga air defense-ten heng zinga a tam zawk hi an lo dang thei a, ballistic missile 25 leh drone 12-in hmun 33 a fuh a ni.
Beihna hnuhma hi khawpui hmun hrang hrangah awmin lei khuar dek dukte a tam hle a. Thil chhia inhnawk khawm te, car, in leh thil dang chhia leh meikhu chhuak pawh hmuh tur a awm bawk.
Khawpui chhung hmun hrang hrangah kangmei tam tak a chhuak a, ambulance station-ah chhiatna thlengah mi pakhatin hliam na tak a tuar a ni.
Central boulevard-a hotel pakhata kangmei chhuak chu kang thelhtuten an buaipui bawk.
Zelensky-a chuan US chu Patriot air defense missile siam phalna pe turin a ngen a, an mamawh tak zet thu a sawi.
Foreign Minister Andriy Sybiha chuan Ukraine thawhpui ramte chu air defense system tam zawk thawn turin a ngen a, an ram chuan ‘Russian firfiakte tihtawp nan sawiselna thu chauh ni lovin, thil tak tak a tih a ngai’ tih a sawi.
US-a Ukrainian ambassador Olha Stefanishyna chuan X-ah, “Khawpui chhunga chengte tan zan rapthlak tak dang, inhumhimna hmun ngai a awm leh ta,” tiin a tar lang.
Russian defence ministry chuan Kyiv leh a chhehvela Ukraine defence industry leh sipai hmunhmate chu ‘na taka kah’ a neih thu a sawi a. Dnipropetrovsk, Poltava, Cherkasy leh Chernihiv-a sipai airfield an kap bawk.
Ministry chuan Russia laka ‘Kyiv sorkarin civil mite thil beia firfiak taka a chetna’ chhan letna a nih thu a sawi.
Tun tuma beihpui thlakna hi chawlhkar hnih chuang chhunga missile leh drone hmanga Russia-in Ukraine a beih lehna hmasak ber a ni.
Tun hnai khan Russian sipaite chuan khawchhak lama Ukraine kulhpui pawimawh hnuhnung ber zinga mi, Kostyantynivka khawpui an hnaih zel bawk a. Moscow hian khawpui hi a la a nih chuan Donbas bial pum luhna kawng a siam dawn a ni.
Hetihlai hian Ukraine commander-te chuan kuminah an ram hloh aia tam an la let niin an sawi a, hei hian Russia ramri leh an luah, Crimea inkara Moscow-in supply line pawimawh tak a siam a tibuai tih an sawi.
Leia sipaite indona hi thla tam tak a chawl a, sipaite chu an awmna hmunah an inkulh ngar ngar tawh hlawm.
Russia hian Ukraine ram hmun ngaa thena hmun khat vel a thunun mek tawh a, a tam zawk hi February, 2022-a a beih tan tirh lama a lak a ni.
He thil thleng chungchangah hian Nazareth Hospital-in ZALEN a hrilh danin a hrana thuchhuah siam an neih loh thu an sawi a. Amaherawhchu, damdawiina damlo lo lut tharte hnenah tun dinhmunah chuan cashless an tih rih theih loh thu an hrilh a, he mi chungchangah hian an hotute leh Minister-te an inbiak mek thu an sawi.