Russia president Vladimir Putin chuan nuclear weapon nei lo ramte hnenah a tul chuan nuclear hmanrua hman an hreh dawn lo tih a sawi.
Nilaini zan khan Russia president chuan thuchhuah siamin, nuclear nei ram an nih thu leh thenawm ramte zingah nuclear nei lo an awm nual si a, a tul a nih chuan hman an hreh dawn lo tih a sawi.
He a thusawi hi a bikin Ukraine ram a sawina nia ngaih a ni a, Ukraine nen hian tunhnaia nasa taka indo an nih avangin a sawichhan nia sawi a ni. Tin, hetih lai hian Ukraine president hi US ah a lokal ve kher bawk nen, a invaupungna pakhat nia sawi a ni bawk.
Ukraine president US kal hian ralthuam leh hmanraw dang chungchangah engtinnge US puihna a dawn dawn a hriat loh a, Russia hian hei hi hrereng chungin nuclear weapon hman a hreh loh thu a sawi ve nghal chat a, Ukraine hi nuclear weapon nei lo nia a ngaih vang pawh a ni thei bawk.
Russia in nuclear weapon hmang hreh dawn lo
