Russia chuan North Sea a wind farm leh communicaltion cables zam te tichhe mai thei turin programme a kalpui mek tia sawi a ni a.
Denamrk, Norway, Sweden leh Finland a public broadcaster te chuan joint investigation ah Russia hmalak dan chu hrechhuakin kimchang zawin an tarlan tur thu an sawi a.
Russia chuan lawng rual sangha mantu ang leh research na atana hman anga tawktar North Sea ah neiin chung te chu a hmang tangkai tiin an sawi a.
Tuipui hnuaiah surveillance bungrua nen hma la in heng cable pawimawh te hi an awmna chhinchhiahin a tul huna tichata harsatna siam mai thei turin hma an la an ti bawk.
Russia in programme a kalpui mek hmang hian Russian lawng te chuan UK tuipui te pawh an thleng tia sawi a ni a. Joint investiation neiha an thil hmuhchhuah te hi mipui nawlpui hmuh theih tura tihchhuah tur a ni.
Danish counter-intelligence officer te chuan Russia in sabotage plan a siam hi Khawthlang ram te nena inbakaihna nasa zawk a awm thuta hmalakna tur a tih a n a ti a, Norwegian intelligence te pawhin Russia tana pawimawh em em leh Moscow atanga thunun vek tiin an sawi bawk.
Boradcaster te chuan Russian communication an man ruk atangin heng ghost ships tia sawi te hian Nordic tuipui fang rengin an awmna chin hriat anih loh nan transmitter an off vek zel a ti bawk a.
Russian vessel pakhat Admiral Vladimirsky tih chu official takin Expeditionary Oceanographic Ship tih niin underwater research vessel tih a ni a. Mahse, a tak takah chuan Russian spy ship a ni an ti bawk a. He lawng lian hian tum khat phei chu UK leh Netherlands te pawh a thleng hial an ti bawk.
He lawng hian wind farms leh loiters awmna hnaih a thlen chuan a kal muang zel a, thla tam tak chhung a transmitter a off tawh an ti bawk a. Reporter tena ahe lawng hi lawng tenau hmanga pawh an tum chuan military assault rifle kengin a lo hmachhawn an ti bawk.
He lawng a raltuam keng hi nikum kum tawp lam khan Scottish coast ah pawh hmuh a ni tawh a, 10 November khan Moray Firth lutin chu chu Lossiemouth atanga 30 nautical miles a awm niin RAF te Maritime Patrol Aircraft fleet te awmna hmun a ni a, heta tang hian muang changin khawthlang lam a hrut leh an ti bawk.
February thla khan Dutch intelligence te chuan an maritime infrastructure tihchiat tuma hmalakna a awm tiin official warning an lo tichhua tawh bawk a. Military intelligence te chuan Russian ship chu North Sea a wind farm hnaihah an hmu ant i.
“Tun hnaiah Russian actors tena North Sea a energy system hnathawh dan an thlithlai tih kan hria a, kan tum khat hmuhna an ni” tiin General Jan Swillens chuan a sawi.
Khawthlang ram te chuan heng hmun pawimawh te humhim a nih nan hian hma an la zui nghal tura ngaih niin Russia hian a tum ber nia lang chu buaina chhuak thut se chuan heng communation kaihhnawih pawimawh tak tak te hi hman theihloha siam a tum nia ngaih a ni.
Nikum khan Svalbard chhim lamah tuihnuaia cable te chu zaichahin a lo awm tawh a, khavang khan fimkhur zualna a thlen phah tawh a. Heng cable te hi pawimawh tak mai niin Norwegian police te chuan mihring tena an zaichah ngei tiin an sawi a ni.
Kumin 13 April khan Norway chuan Russian officials 15 te chu enthlatu tia puhin a hnawtchhuak bawk tawh a.
Nikum October thla khan Stetland Island ah cable tihchahin a awm tawh bawk a. Kha khan mainland nena inbiak pawhna hrang hrang te a tibuai hneh hle tawh a ni.
Russia in tui hnuai cable te chhinchhiah ti
![](https://theaizawlpost.org/wp-content/uploads/tap_logo-min-large.jpg)