Russia-in Ukraine grain dahna bei

Russian drone-te chuan Ukrainian port facility Izmail chu beiin helai hmun hi Nato member ram Romania bul lawka awm River Danube kam maia awm a ni.
Grain warehouse leh grain te load nan bera hman elevator chu tihchhiatin a awm a. He lai hmun a\ang hian African ram, China leh Israel rama phurh luh tum grain 40,000 tonnes vel chu tihchhiatin a awm niin Ukraine chuan a sawi.
Russia hian UN deal hnuaia Black Sea piah lama grain export tluang taka kal a nih theih nana hmalakna tihtawp a nih hnuah Ukraine port te hi a bitum nghal ta anga ngaih a ni.
“Heng lawngchawlhna te hi vawiina global food security bul\hutte an ni” tiin Ukrainian minister Oleksandr Kubrakov chuan a sawi a.
Romanian President Klaus Iohannis chuan Russia chetlak dan chu dem zuiin Romania bul lawka na taka a chetlakna chu pawm theih loh tiin a sawi a.
Odesa regional leader Oleh Kiper chuan Russian beihna avang hian thi an awm hriat a nih loh thu sawiin thil pangngaia a awm theih nan theihtawp an chhuah mek thu a sawi bawk.
Ukraine President Volodymyr Zelensky chuan ‘vanduaithlak takin thiltihchhiat a awm’ tiin a sawi a, structure tam tak bomb hmanga tihchhiatin a awm a ni tiin a sawi bawk.
Ukraine hi khawvela wheat leh corn tharchhuaka thawnchhuak hnem ram zinga tel a ni a. UN Food and Agriculture Organization te chuan Somalia ram chu Ukraine leh Russia wheat 90% ah a innghat bur tiin a sawi a.
Somalia, Kenya, Ethiopia leh South Sudan-ah te ruahtui tlak \hat loh avanga buh leh bal lama harsatna nasa tak awm laiin Ukraine grain a innghat bur an ni a, heng ramah te hian mihring maktaduai 50 vel zet an cheng a ni.
France foreign ministry chuan Russia chu global food security dinhmun derthawnga dah nghalah puhin a sawisel bawk.
Kar kalta pawh khan Russia chuan Reni a warehouse beiin hei pawh hi River Danube kam maia awm Romanian territory huam chhung hnaih lawka awm a ni bawk a.
President Iohannis chuan Romania hnaih tak Russia-in a bei reng chu sawiselin hei hian Ukraine in food product a neih te a mamawhtu khawvel puma a semchhuahna kawngah harsatna a siam thei tiin a sawi.
Russia hian a hma pawhin grain 60,000 tonnes dahkhawmna Black Sea port of Odesa leh Chornomorsk pawh beiin a lo tichhe tawh bawk.
Russia President Vladimir Putin thung chuan Khawthlang ram te chu food ‘ralthuama hmang’ ah puh zawk thungin Turkey president nena phone-a inbiakna an neihah Russia-in grain leh fertiliser export a tum remtihsak a nih loh chuan UN deal-ah remtihna pek a tum tawh loh thu a sawi thung.
Moscow hi hrek mek a nih avangin harsatna nasa tak a tawk a, hrekna chu thlahdul a ngiat a. 17 July-a UN deal a\anga a inhnuhdawh hnuah pawh Ukraine Black Sea port a kal tur lawng te chu beihah a vau zui lawk a ni.
Tunah Ukraine chuan Black Sea port chu a grain tharchhuah te thawnchhuah nana hman theih loh avangin Danube lui chu a hman \angkai theih ber niin chu pawh Moscow chuan tihbahlah tumin a bei zui leh ta a ni.