Russia chuan kumin chhungin Ukrainian territory 400 sq.km a chhuhsak tawh tiin a sawi.
Kyiv in mihring leh ammunition te khawthlang ramte puihna khawmuang vanga a tlakchham kal zelah Moscow chuan tun hnaiah ram a la zau zel a ni.
“Kumin kumtir atang khan kan thununna hnuaiah 403 square km kan dah tawh a ni” tiin Russia Defence Minister Sergei Shoigu chuan sawiin heng ram an lak te hi Donetsk, Kherson, Lugansk leh Zaporizhzhia region ah te a nih thu a sawi.
“Russian armed forces te chuan Ukrainian sipaite chu khawthlang lamah an nawr let zel” tiin Shoigu chuan a sawi bawk.
February thla khan Russia chuan frontline khua Addiivka, Russian awp region Donetsk city capital pawn lawka awm chu an thununna hnuaiah an dah a, nikum May thla hnua an hmasawnna turu ber a ni bawk.
Shoigu chuan Russian force te chuan settlement panga – Donetsk ah pali leh Zaporizhzha ah pakhat thla khat chhungin an la tiin a sawi bawk.
Institute for the Study of War (ISW) te chuan karkalta khan tun hnaia indona tualzawla Russia in hma a sawnna chhan chu Russia operation hlawhtlin vang aiin Kyiv hnena US security assistance tihkhawmuan vang zawk tiin a sawi.
US in Ukraine puih nana $60 billion package a ruahman chu US Congress ah a tang mek a, chubakah Europe atanga Ukraine hnena artillery shells pekluh tum pawh ruahman aiin a khawtlai bawk a ni.
ISW te chuan Russia chuan Ukrainian ram hmun ngaa thena hmun khat 1,00,000 square km a thunun mek tiin an sawi bawk.
Russia in Ukraine ram 400 Sq.km luah tawh
