Russia in Uzbek mi an sipai hotu thihnaah man
Russia thuneitute chuan Moscow-a an senior general Igor Kirillov leh a assistant-te thihna chungchangah Uzbekistan mi an man thu an sawi.
Radiation, Chemical leh Biological Protection Forces hotu Lt. Gen. Igor Kirillov hi thawhlehni zing khan an chenna an chhuahsan tur a scooter-a bomb puak avangin a thi a, Ukraine chuan he thil hi hmun hla tak atanga bomb thununna hmanga tih a nih thu an lo sawi ve tawh bawk a ni.
He thil thleng hi Russia chuan chhuizui nghalin, kum 1995 a piang, Uzbekistan mi chu nilaini khan an man thu an sawi.
A tirah chuan Russia hian Ukraine thiltih nia ngaiin, Ukraine lam pawh hian anmahni mi leh sate thiltih ni ngeiin an ring bawk a. Mahse, chhui chianna atanga a lan dan chuan ramdang mi thiltih a nih thu sawi a ni ta thung.
Moscow chuan an sipai hotu thihna chungchangah hian inrawlh dang an awm em tih erawh an chhui zui reng thu a sawi a, Ukraine te thil ruahman a ni em tih thlenga enzui a nih tur thu a sawi bawk.
Russia in Uzbek mi an sipai hotu thihnaah man
