Russia leh Ukraine drone hmangin inbei chhunzawm

Russia leh Ukraine drone hmangin inbei chhunzawm
Russia leh Ukraine buainain ziaawm lam a la pan thei lo zel a, tunah chuan drone hmanga inbeihna an nei chho leh mek tawh.
Russia defence ministry chuan Ukraine drone 84 chu lei a thlen hmaa an lo dan theih thu sawiin, heng zinga thenkhat phei hi chu an khawpui Moscow hnaih tak taka mi a nih thu a sawi a, hei vang hian fimkhur thilah khawpui chhunga airport lian pathum atangin thlawhnate chu sawn chhuah a ngaih thu a sawi.
Ukraine lam pawhin zirtawpni zan khan Russia chuan an ram chhung hmun tinah drone 145 a kap nia sawiin, a tam zawk chu lei a thlen hmaa an lo kahchhiat hman thu an sawi ve bawk.
US president thlan thar Donald Trump-a’n a lehlam lehlam ramte buaina tihtawp tuma inbiakna a neihpui mai thei nia sawi a nih laia buaina hi thleng zui leh a nih avangin ram pahnihte boruak hi a tha lo tawn zual hle nia sawi a ni.