Russia missile in Ukraine mi 10 tihlum
Ukraine hmarchhak lama khawpui pakhat Sumy chu Russia missile in beiin, in pakhat a kah fuhnaah mi 10 in nunna an chan a, an zingah hian naupang pahnih pawh an tel tih Ukraine official te chuan an sawi.
Pathianni tlai khan Russian missile in khawpui chhunga building chhawng 9 a sang chu kap fuhin, mi 55 in hliam an tuar a, an zingah hian naupang pariat an tel bawk.
Sumy khawpuia sipai hotu Volodymyr Artyukh chuan thu lungchhiatthlak tak a nih thu sawiin, pathianni tlaia Russia chetna chu thil rapthlak tak a nih thu a sawi.
Sipaite sawi danin khawpui chhunga hmunhma pawimawh dang pawh missile dangin a fuh avang hian khawpui chhung chu power nei lova an awm rih thu sawi a ni bawk.
Russia missile in Ukraine mi 10 tihlum
