Kum hnih dawn a liam hnuah 2022 Beijing Winter Games team event kaltlanga Russian figure skater Kamila Valieva gold medal awrh an chhuhsak a, kum li chhung atan inelna hmachhawn thei lo turin an hrem zui bawk.
Russia sawrkar hi an in-fiammite damdawi hman zeppui leh chutiang ti tura tanpuia puh lo ni tawhin, Russian athletics federa-tion chuan hremna lian tak tak a tawk chamchi a, an infiammite pawh a khat mawi takin a hming-chhe kal mek zel a, Thawhtannia Olympic gold meuh an pawh-thlaksak leh tak Valieva pawh kha infiammite tana damdawi hman phal loh hman chungchang vang bawka talbuai a ni leh.
Figure skater hremna avang hian Russian Olympic Committee (ROC) hminga gold medal ziahluh tawh pawh thaichhiat leh niin, he thutlukna hi infiamna huanga thuchhe remna sang ber Court of Arbitration for Sport (CAS)-in a chai ngial hnua a tihtluk niin, anti-doping rule bawhchhiat rah a ni.
CAS thuchhuah chuan kum 2021 December ni 25 atanga chhiar tanin Kamila Valieva chu kum li chhung atan hrem a nih thu an puang.
He court hian Beijing Olym-pic-a Valieva competitive result hlawhchhuahte pawh kha eng-mah lohah a chhuah a, chu’ng zingah chuan 2022 Games team event-a ROC tana gold medal a lakpui pawh kha a tel.
World Anti-Doping Agency (WADA) chu CAS hnena case peluttu bulpui lawk niin, WADA hian CAS ngaihtuah tura an pekluh an rel danah lungawithlak an tih thu leh an hutlukna siam chu fair sport tana hnehha a nih thu thuchhuah siamin an tarlang.
WADA director general Oli-vier Niggli chuan WADA tan bakah infiamna a lo thianghliam zel theihna’n Court of Arbitration for Sport chuan athlete-te chung-chang rel tur an pek ang ang dik takin an lo rel thin tih a sawi.
Russian figure skater Olympic gold an chhuhsak
