Pathianni khan Brisbane International final khelh a ni a, Aryna Sabalenka chuan set hloh lov a khingpui Marta Kostyuk hnehin a vawi thum nan a champion.
World No. 1 Sabelenka leh a khingpui Kostyuk te hi set khatna tir lamah an inhnehtawk viau a, game inlakchhawk zak zakin 4-4 a ni. 4-4 a nih hnu hian thahrui leh tawnhriat ngah zawk Sabalenka a chungnung zui a, break pawimawh tak neiin game hnih a la zawn a, set khatna a la.
Set khat a lak hnuin set hnihnaah Sabalenka a khel tha chhunzawm a, awlsam zawkin set hnihna a la. Set hnihnaah hian game thum chauh hloh a, minute 79 chhungin Marta Kostyuk lakah 6-4, 6-3 in hnehna a chang a, a vawi thum nan a champion zui ta a ni.
Hmeichhe lama player langsar Sabalenka hian Brisbane International-ah a zawnin vawi li final a lut a, 2023 leh 2025-ah a champion hnuin 2026-ah a champion zui leh a, trophy nen kum bul a tan.
Hmeichhe lamah Aryna Sabalenka a champion lai hian mipa lamah Daniil Medvedev a champion ve bawk.
Russian top seed Daniil Medvedev hian final-a a khingpui Brandon Nakashima chu 6-2 7-6 (7-1) in a hneh a, title 22 a hlawhchhuak tling chiah.
Sabalenka a champion
