Australian Open inbuatsaihna tournament lian Brisbane International final-a a elpui Marta Kostyuk laka 6-4, 6-3 hnehna a chan hnu khelmual chhunga an kawmnaa a bialpa chungchang Aryna Sabalenka sawi dan chuan social media lamah sawi zui a hlawh nghal hat a, Belarusian star hi pasal nei hnai ve tawh tura ngaihna a piang.
Brisbane champion hian Pathianni khan a bialpa Georgios Frangulis lam hawi chungin, “Ka bialpa (boyfriend) hungah ka lawm a; koh dan dang deuha ka koh thuai theih che ka beisei. Pressure dang chu i hmachhawn dun leh rih lawk ang,” ti pahin mualsira thut hmun rem a bialpa chu nuih saih chungin a va mitsir relh a, mipui lawm an hlawh ngang mai.
World No. 1 Sabalenka tawngkam atang hian a bialpa nena inhual hnai tura ngaihna a piang nghal a, hetih lai hian Sabalenka leh Frangulis lam atangin eng thu chiang mah hriat tur a la awm lo thung.
Brazilian entrepreneur Frangulis hi Oakberry CEO niin, kum 2024 atang khan vantlang hriatah Belarusian star nen hian an inzui tan a, tournament khelh laiin a bialnu box lamah hmuh tur a awm chamchi a ni.
Set khat pawh hloh eih loa a Brisbane International lallukhum kawl lai a humhim leh hnuah Sabalenka hi kan hma lawk Australian Open-a champion tum ngam tana paltlang ngai hraw berte zinga mi a nihzia khawvelin a hmu leh mek a; a zawna Brisbane title tum hnih a lak nen a WTA career-ah singles trophy 22 a hlapchhuak tling ta a ni.
Sabalenka leh a bialna inkar thu
