Sabrina Carpenter hla hit ‘Espresso’ chu kar khat chhunga khawvel huapa hla lar ber niin, Billboard Global 200 chart-ah a No.1 a, a zawn lovin he chart-ah hian kar thum a No.1 tling ta a, Eminem ‘Houdini’ pawh top 10-ah a lang thar ve leh ta bawk.
Billboard Global 200 chart hi kar khat chhunga khawvel huapa hla lar dan tehna niin, chart ranking siam nan ram hrang hrang 200 chuanga official-only streams (subscription leh ad-supported audio leh video music services) bakah download sales te chu tehna pawimawh a ni.
Sabrina Carpenter ‘Espresso’ hi kar khat chhungin stream maktaduai 80.9 tlingin, sales pawh 8,000 a la tling a, hei hi Billboard Global 200 chart-ah a No.1 pui leh ta a ni.
Kendrick Lamar ‘Not Like Us’ chu kar hnih a No.1 hnuah No.2-ah a tawlh a, chart No.1 hlui Sabrina Carpenter hla dang ‘Please Please Please’ chu No.3-ah bawk a awm leh a, Billie Eilish ‘Birds of a Feather’ chu No.5 atangin No.4 a kai thar leh a, Shaboozey ‘A Bar Song (Tipsy)’ chu No.4 atangin No.5-ah a tawlh ta bawk.
Chart No.1 hlui, top 10 atanga chhuak tawh Eminem ‘Houdini’ pawhin stream maktaduai 53.9 leh sales 9,000 nei lehin No.16 atangin No.8-ah a rawn insawn thar leh a, Eminem hian a album ‘The Death of Slim Shady (Coupe de Grace)’ a tlangzarh a, he album-a hla ‘Houdini’ pawh a lar thar leh ta a ni.
1 Espresso – Sabrina Carpenter
2 Not Like Us – Kendrick Lamar
3 Please Please Please – Sabrina Carpenter
4 Birds Of A Feather – Billie Eilish
5 A Bar Song (Tipsy) – Shaboozey
6 I Had Some Help – Post Malone Featuring Morgan Wallen
7 Beautiful Things – Benson Boone
8 Houdini – Eminem
9 Gata Only – FloyyMenor X Cris Mj
10 Million Dollar Baby – Tommy Richman
Sabrina Carpenter ‘Espresso’ a la lar ber
