SAI STC an champion
Mizoram Judo Association buatsaih Sub-Junior & Junior Mizoram Judo Championship 2024 chu Mizoram Judo Hall, Zemabawk North ah ni 16-18 Sept 2024 khan neih a ni a, Mizoram hmun hrang hrang atang in Judo khelthiam naupang 136 te tel. He inelnaah hian SAI STC Aizawl chuan Gold 9 Silver 4 leh Bronze 6 la in Team champion an ni.
Champion team te hian Trophy leh pawisa fai Chen sang sarih a keng tel. Runners up team te chu TNT Judo Club niin Gold 5 Silver 6 leh Bronze 9 an la a, Runners up team hian Trophy leh Pawisa fai Rs. 5000/- a keng tel bawk. 2nd Runners up team chu Khello India State Center of Excellence (KISCE) te niin Gold 5 an la a, Trophy leh pawisa fai Rs. 3000/- a keng tel bawk.
Championship kharna hi Pu C. Laltlanthanga, Patron Mizoram Judo Association in nei in Judo thiam tur chuan tawrhchhelna leh taimakna a pawimawhin upa zawk te zahna leh tanpuitu ni thei turin infiammi te chu a fuih a. National leh Internation thleng a medal la thei tur a taimak chhuah zel tir in players te a fuih. Championship hi Mizoram State Sports Council sponsored niin, lawmman pawisa fai tum tu te Pu KVL Rochharzela, Patron Pu C Laltlanthanga Patron leh Pu KVL Siamkima, Adviser te chungah Mizoram Judo Association chuan lawmthu a sawi.