Union government in Sainik School te privatise tuma memorandums of understanding (MoUs) a ziah tak chu duh lovin Congress president Mallikarjun Kharge chuan President Droupadi Murmu hnenah Sainik School privatise chu hnuk let leh turin a ngen.
Tun hnai lawkah RTI hmanga zawhna chhanaah Sainik School te chu public private partnership model tharin privatise mek a ni a, Sainik School 62% lawih te chu Bharatiya Janata Party-Rashtriya Swayamsevak Sangh leader ten an enkawl mek tih a ni.
Indian government awm tawh zawng zawng ten Armed Forces leh a hnuaia institution awm tin te chu political ideology an hliahtir ve ngai lo va, tun Central sorkar hi chuan tihthin dan te a tikeh chhe vek a ni a ti a.
“Institution hrang hrang te a hnuhhniam zel hnuah RSS tethil tum ber chu a rang thei ang bera an ideology tuh a ni a, Armed Forces nature leh ethos tin te an tichhe leh ta a ni. Hetianga ideology an neih te heng institution hmanga kenkawh an tum hian huapzo nihna te mai bkah Sainik School national characteristics te a tichhia ang” tiin Kharge chuan a sawi.
“Chuvang chuan ram pum tana tha ber turin Indian National Congress chuan privatisation policy hnuhkira MoUs te awmze nei lova siam a ngiat a, tichuan zirlai Armede Forces School a zir te chuan ram tan an character, hamthlir leh zahawmna te an nei let thei dawn a ni” tiin a sawi bawk.
Kum 2021 khan Central sorkar chuan Sainik School privatisation a kalpui tan a. “Tunah chuan school thar 100 atangin 40 zet chu Memorandum of Understanding (MoUs) ziahpui an ni tawh” tiin Kharge chuan a sawi bawk.
Congress chief chuan investigation report chuan Sainik School 62% te chuan mimal leh pawl RSS-BJP-Sangh Parivar te hnuaia awm te nen inremna an ziak tawh a, chung zingah chuan Chief Minioster’s family te, MLAs, BJP office-bearers leh RSS leaders te an tel a ni, tiin Kharge chuan a sawi bawk.
Independent Sainik School te chu politicise tumna huangtau tak tia sawi bawkin Sainik School te chu National Defence Academy (NDA) leh Indian Naval Academy a cadet thawntu ber tibawkin Congress president Kharge chuan heng school te hi India prime minister hmasa ber Jawaharlal Nehru an kum 1961-a a din a ni a ti bawk.
Sainik School privatise duhlohna thlen
