Sairang to New Delhi
Rajdhani tlantir ngen
New Delhi-a kal chief minister Lalduhoma chuan Railways minister Ashwini Vaishnaw a kawm a. Bairabi- Sairang rel kawng hmasawnna tur pawimawh an sawidun.
Chief minister hian Rajdhani Express service chu Sairang atanga New Delhi thleng tlantir tur leh Howrah Railway service pawh Sairang atanga Kolkata thlenga tlantir a nih theihnana hma la turin Railway minister hi a ngen a. Sairang atanga Tripura direct rel service a awm theihnana hma laksak turin a ngen bawk.
Heng bakah hian Sairang Railway Station chu India ram hmundanga an kalpui mek ang bawkin world class railway station-a siam turin a ngen a. Railway Reservation Centre leh Parcel Management System din, Sairang Railway Station-a railway internet service dah ve turin a ngen bawk.
Union minister chuan tihhlawhtlin mai theih thil a nih thu leh hma a lo lak ngei tur thu a sawi a ni.
Mizorama rel station hrang hrang – Hortoki, Kawnpui, Mualkhang leh Sairanga thawktu tur laknaah khawtual mi duhsak bik turin chief minister hian rawtna a thlen a. Railway minister hian a lo zirchian tur thu a sawi.
Sairang to New Delhi Rajdhani tlantir ngen
