Uttar Pradesh Chief Minister Yogi Adityanath chuan Congress leh INDIA alliance party te chu sakhuana behchhana India inthendarhna bulthut siamtute an ni, tiin a sawi a. Mipuite chu an vote pe lo turin a ngen bawk.
“Heng mite hian sakhuana behchhanin ram hi thendarh an duh a ni. In vote khatte pawh kha he ram hmelhmang thlak danglam nan a pawimawh a ni. Mipuiten Congress ruahmanna siam hi an vote hmangin an tichhe tur a ni” tiin Adityanath chuan a sawi .
Sambhal, UP a vantlang inkhawm a neihnaah Opposition te chu ‘tur nei’ vote miah loh tur a ti bawk. “Heng mihlauhawm tur nei te hi vote loh tur a ni. Heng mite hian ‘Bharat Mata ki Jai’ pawh an ti duh lo va, ‘Vande Mataram’ pawh an sa duh hek lo” tiin Adityanath chuan a sawi bawk.
UP Chief Minister chuan Congress manifesto ah chuan minority ten an duh duh an eitheih tura zelenna pek a tel tia sawiin Congress an sorkar a nih chuan bawng talh an remti leh dawn a ti.
“Congress hian bawng talh an remti leh dawn. heng mi zaktheilo tak tak hian India sakhua an khel a, India chuan a pawm dawn lo” tiin a sawi bawk.
Sakhua behchhana India thendarh tum ti
