Salman Khan-a’n bulletproof Nissan Patrol SUV a lei thar
Bollywood superstar Salman Khan chuan silaia kah tlang theih loh Nissan Patrol SUV a lei thar a, a car thar hi Mumbai khawlaiah hmuh tur a awm ta. He bulletproof Nissan Patrol SUV lian tha zet mai-ah hian Salman Khan chuangin, a hnungah Toyota Fortuner SUV dum tle hlurh maiin a zui deuh zel bawk. Salman hian a hma chuan bulletproof Toyota Land Cruiser LC200 SUV a hmang thin a, Nissan Patrol hian a thlak ta a ni. Nissan India-in Patrol SUV hi Indian market-ah an hralh chhuah loh avangin Salman hian ama pualin ram dang atangin a lalut a nih ngei a rinawm.
Nissan Patrol hi Gulf ram-ah chuan an hmang lar viau a, he SUV hian 5.6-litre V8 engine neiin, 405bhp leh 560Nm torque pechhuak thei a ni a, 7-speed automatic gearbox neiin, four wheel drive a ni a, a hma leh hnung lam differential lock neiin, kawng chhe deuhah pawh talbuai mai mai lo tura duan a ni.
Salman Khan hian car manto tak tak a garage-ah a hung nual tawh a, chung zingah chuan Range Rover Autobiography, Audi RS7, Audi A8 L, Mercedes-Benz GLE 43 AMG, Mercedes-Benz GLS, BMW X6, Porsche Cayenne, Toyota Land Cruiser, Lexus LX te pawh a langsar pawl an ni.
Salman Khan-a’n bulletproof Nissan Patrol SUV a lei thar
