OpenAI te chuan thuchhuah siamin an CEO hlui Sam Altman chu an lak let leh thu sawiin board member thar an din thu an puang zui bawk.
“OpenAI ah CEO ni turin Sam nen inremna kan siam a, board member ah Bret Taylor (Chair), Larry Summers leh Adam D’Angelo te an awm bawk ang” tiin company thuchhuah chuan a tarlang.
Company thuchhuah chuan inremna siam dan kimchang erawh a sawi rih lo va. Sam Altman pawhin OpenAI ah a let leh tur thu a sawi chiang zui bawk a.
“OpenA hi nuam ka ti a, kan hmalaknate chhunzawm zela kan team te nena thawhho zui zel ka duh a ni. OpenAI ah letlehin msft (Microsoft) nen inzawmna nghet tak kan nei ang,” tiin Altman chuan a sawi bawk.
Sam Altman an OpenAI ah a let leh tur thu a sawi chian hnu lawkah Microsoft CEO Satya Nadella, a hma lawka Microsoft a Altman laluttu chuan sawi dunna an neih thu sawiin OpenAI ngelnghet, \ha leh chak zawk a awm theih nana pawimawh tiin a sawi a.
Altman hi OpenAI board te chuan kar kalta Zirtawpni khan artificial intelligence chak zawka kalpui leh sum siam nana hman dan turah ngaihdan inang lo an neih avangin an ban a ni. Pathianni a\ang khan OpenAI hnathawkte chuan board member-te chu bang vek turin an ngiat hial a. Board member te chuan leader thar Twitch CEO Emmett Shear pawh ruat hman zuiin OpenAI sum lama puitu lian ebr Microsoft te chuan Alman chu in-house AI team enkawl tura inremna an siampui thu an sawi zui a ni.
Altman hi nikuma tlangzarh ChatGPT sulsutu ber niin khata \ang khan AI research leh development lamah intlansiakna a chak zui phah zual hle a ni.
Sam Altman OpenAI-ah bawk
