Samagra Shiksha Executive Committee chu an chairman, chief secretary Dr Renu Sharma hoin Nilaini khan an thukhawm a. Samagra Shiksha Annual Work Plan & Budget leh PM SHRI scheme 2024-25, 2025-26 thlir hoin, ministry-a thehluh turin an pawm.
Samagra Shiksha Executive Committee-ah hian Annual Work Plan & Budget 2024-25 atana ruahman cheng nuai 41440.15 leh 2025-26 atana ruahman cheng nuai 34979.70 pawm a ni a. PM SHRI scheme kalpui nan kum 2024-25 atana ruahman cheng nuai 1161.74 leh kum 2025-26 atan ruahman cheng nuai 508.50 pawm a ni bawk. Samagra Shiksha hnathawhna tur sum ruahman hi January 17 ah ministry-a thehluh a ni anga, February 8 & 9 ah Project Approval Board-in a ngaihtuah dawn a ni.
Thutkhawmah hian School Education secretary Dr Lalzirmawia Chhangte bakah School Education hotute, MBSE leh SCERT hotute, Samagra Shiksha State Project Office-a officer te leh department dang kaihhnawih aiawh, YMA, MUP, MHIP leh service association aiawhte an tel a ni.
Samagra plan & budget pawm
